Arba Sicula è na sucietà internazziunali senza scopu di lucru ca havi comu obbiettivu a promozioni dâ lingua e dâ cultura siciliana. Fa chissu ntê modi siguenti:

Arba Sicula

Pubblicannu Arba Sicula
Na rivista bilingui sicilianu/nglisi ca illustra a littiratura, l'arti, a storia, a cucina e u folklori dâ Sicilia. Chist’annu celebramu u quarantesimu annivirsariu dâ funnazioni di Arba Sicula (1979-2019). A rivista nesci na vota l'annu e pubblicamu un numiru doppiu. Cliccati supra a rivista pi vidiri l'indici e pi leggiri tutti li articuli di stu numiru. Normalmenti mintemu ccà un numiru passatu. Pi riciviri lu numiru currenti, abbunativi a Arba Sicula. Ntô 2019 criammu un CD ca cunteni tutti li 42 numira di Arba Sicula. Lu CD havi un indici generali organizzatu pir rubrichi (puisia, narrativa, tradizioni, a nostra lingua, ecc.) e si po' navigari cliccannu cu lu surici supra li tituli. Lu CD costa $30.00 e si pò accattari mannannu un assegnu a Arba Sicula pir $34.00: PO Box 149, Mineola, NY 11501.

Sicilia Parra

Pubblicannu Sicilia Parra
Na rivista semiannuali di vinti paggini ca illustra li attività dâ nostra sucietà. È scritta principalmenti in nglisi cu una o du paggini didicati ô sicilianu. Pi vidiri l'indici dû numiru passatu e pi putiri visiunari tutti li articuli, cliccati supra la rivista. Ntô 2019 criammu un DVD ca cunteni tutti i 62 numira pubblicati dû 1989 finu ô 2019. Lu DVD si pò acquistari pir $30.00 l’unu, ma si v’accattati lu CD di Arba Sicula e lu DVD di Sicilia Parra nzemmula pir $64.00 vi mannamu gratis lu distintivu pir li 40 anni di Arba Sicula ca normalmenti costa $10.

Legas

Pubblicannu libbra supra a Sicilia e i Siciliani
I libbra sunnu a megghiu arma c'avemu pi contrabbattiri ddi stupidi stiriotipi dâ genti siciliana promossi dà mass media. E’ nicissariu fari canusciri a tutti la vera natura dû populu sicilianu e dî so granni contribbuti a civiltà occidintali. Chiossai sapemu dà nostra storia, megghiu putemu cummattiri l'ignoranza ca fa nasciri ddi stiriotipi. Pi vidiri na lista dî libbra ca uffremu, cliccati ccâ. Putiti accattari li libbra direttamenti cliccannu ccà.

Mparamu-lu-sicilianu

Legas è orgugghiusa di annunziari
La pubblicazioni di na nova edizioni di Learn Sicilian/Mparamu lu sicilianu di Gaetano Cipolla, na grammatica siciliana interattiva. La nova edizioni curata di lu prufissuri Alfonso Campisi di l’università La Manouba di Tunisi fu stampata a Palermu. Lu titulu è Mparamu lu sicilianu: un corso interattivo per apprendere il siciliano. Lu libbru è uguali a la virsioni nglisi sulu ca li reguli e li direzzioni p li studenti sunnu scritti in talianu. Stu volumi di 326 paggini veni cu un DVD ca cunteni na guida cumpleta di la pronunzia di lu sicilianu, li risposti a li esercizzii chià mpurtanti e l’audiu di tutti li litturi, dialoghi e matiriali culturali di lu libru. Esistunu puru virsioni elettronichi di li du libbra, sia chidda in nglisi ca chidda in taliano. La virsioni elettronica cunteni li testi comu a li libbra di carta ma puru li registrazioni cu li dialoghi e li risposti a li esercizzii, tuttu nta un sulu DVD. Pi urdinari la virsioni nglisi e li du virsioni elettronichi scriviti a Legas, P.O. Box 149, Mineola, NY 11501 o scriviti a gcipolla@optonline.net. Si abitati in Italia, pi urdinari copii di carta di la virsioni taliana scriviti a Nuova Ipsa Editore, via Giuseppe Crispi, 50, 90144 Palermo. Telefonu 091 681 9025 o info@nuovaipsa.it. Putiti lèggiri lu Indici di Mparamu lu sicilianu cliccannu cliccannu ccà

Videmu si siti bravi e canusciti lu sicilianu.
Stu branu supra li verbi ca cancianu la radica di li paroli quannu cancia l’accentu, veni di Learn Sicilian / Mparamu lu sicilianu di Gaetano Cipolla, Legas, Mineola, NY York, 11501. cliccati ccà

Organizzannu Cunfirenzi e Reciti di puisia siciliana
Arba Sicula organizza cunfirenzi, reciti e spittaculi tiatrali ntê lucali di la St. John’s University e autri posti. Pi riciviri inviti pi sti eventi, mannati lu vostru indirizzu elettronicu o prufissuri Cipolla scrivennu a gcipolla@optonline.net. Pir vidiri e sentiri na cunfirenza supra a puisia siciliana ca lu prufissuri Cipolla prisintau a la NYU cliccati cliccati ccà.

Si vuliti scutari na para di canzuni siciliani dà gruppu "I Canterini di Ortigia", un gruppu ca ha cantatu spissu pi Arba Sicula, cliccati ccà.


I giti di Arba Sicula nun sunnu comu a l'autri organizzati dà aginzii cummirciali. I nostri sunu disignati pi genti ca havi un granni interessi e sintimenti speciali pâ Sicilia. I nostri visiti sunnu esperienzi speciali, viaggi di scuperta. Pi vidiri l'itinerariu di lu prossimu viaggiu e pi leggiri n'articulu ca descrivi li eventi chiù impurtanti cliccati ccà.