Arba Sicula è na sucietà internazziunali senza scopu di lucru ca havi comu obbiettivu a promozioni dâ lingua e dâ cultura siciliana. Fa chissu ntê modi siguenti:

Pubblicannu Arba Sicula
Na rivista bilingui sicilianu/nglisi ca illustra a littiratura, l'arti, a storia, a cucina e u folklori dâ Sicilia. Chist’annu celebramu u vintitriesimu annivirsariu dâ funnazioni di Arba Sicula. A rivista nesci du voti l'annu o na vota si pubblicamu un numiru doppiu. Cliccati supra a rivista pi vidiri l'indici e pi putiri leggiri quacchi articulu rapprisentativu.

Pubblicannu Sicilia Parra
Na rivista semiannuali di vinti paggini ca illustra li attività dâ nostra sucietà. À scritta principalmenti in nglisi cu una o du paggini didicati ô sicilianu. Pi vidiri l'indici dû numiru passatu e pi putiri visiunari quacchi articulu, cliccati supra a rivista.

Pubblicannu libbra supra a Sicilia e i Siciliani
I libbra sunu a megghiu arma c'avemu pi contrabbattiri ddi stupidi stiriotipi dâ genti siciliana promossi dî mass media. E’ nicissariu fari canusciri a tutti a vera natura dû populu sicilianu e dî so granni contribbuti a civiltà occidintali. Chiossai sapemu dâ nostra storia, megghiu putemu cummattiri l'ignoranza ca fa nasciri ddi stiriotipi. Pi vidiri na lista dî libbra ca uffremu, cliccati ccà. Nta stu piriudu di tempu stamu uffrennu ê soci di Arba Sicula nu scuntu dû 20% supra a tutti i libbra ca pubblicamu.

Pubblicannu supplimenti a Arba Sicula
L’urtimu supplementu ca pubblicammu fu The Fig Cake Family di Bea Tusiani, na bedda storia supra comu manteniri vivi i tradizioni siciliani in America. Si vuliti vidiri a rizzetta di comu si fannu i cucciddati cliccati ccà.

Organizzannu Cunfirenzi e Reciti di puisia siciliana
Cliccati ccà pi vidiri li eventi ntô calinnariu.

Si vuliti scutari na para di cnzuni siciliani dû gruppu "I Canterini di Ortigia", un gruppu ca ha cantatu spissu pi Arba Sicula, cliccati ccà. Si vi culiti accattari tuttu u CD, mannati $17.00 a Legas, PO Box 149, Mineola, NY 11501.

Organizzannu giti annuali ntâ Sicilia pî nostru soci
I giti di Arba Sicula nun sunu comu a l'autri organizzati dî aginzii cummirciali. I nostri sunu disignati pi genti ca havi un granni interessi e sintimenti speciali pâ Sicilia. I nostri visiti sunu esperienzi speciali, viaggi di scuperta. Pi vidiri l'itinerariu di l'urtimu viaggiu e pi leggiri n'articulu ca descrivi li eventi chiù impurtanti cliccati ccà.